Avropa diplomatiyasının rəhbəri Cozep Borrell bildirib ki, reallığı inkar edən və fələstinlilərin problemlərini kiçik hesab edən İsrail hökumətini kəskin tənqid edib. 

HİT.az xəbər verir ki, o, bu barədə İspaniyanın “La Vanguardia” qəzetinə müsahibəsində danışıb.

“Məni antisemitizmdə ittiham edilmədən İsrail hökumətini tənqid etmək hüququnu tələb edirəm. Bu hökumət reallığın müəyyən inkarı ilə yaşayıb və müəyyən dərəcədə bunu inkar etməkdə də davam edir. Onlarla mövcud olan ciddi zorakılıq böhranını, bu il 400 fələstinlinin öldürülməsini, söküntüləri, Fələstin ərazilərinin işğalını, onların problemlərini kiçik hesab edirlər", deyə Borrell bildirib.

Siyasətçi həmçinin İsrail ordusu (IDF) ilə Fələstinin HƏMAS radikal qruplaşması arasında hərbi əməliyyatlardakı fasilənin uzadılacağına ümid etdiyini bildirib və qeyd edib ki, Qəzza zolağının bombalanması şiddətinə görə HƏMAS yaraqlılarının cənuba hücumu zamanı törətdikləri vəhşiliklərlə müqayisə oluna bilər. Borrelin sözlərinə görə, o, İsrail nazirlərindən birinə "bir dəhşət digər dəhşətə haqq qazandırmaz" deyib.

Samir