İordaniyanın xarici işlər naziri və baş nazirin müavini Ayman əs-Səfədi bildirib ki, İsrailin fələstinlilərin Qəzza zolağından mümkün çıxarılması planları krallığın milli təhlükəsizliyinə təhdiddir. Nazir bildirib ki, İordaniya belə bir inkişafın qarşısını almaq üçün mümkün olan hər şeyi edəcək.

HİT.az xəbər verir ki, Ayman əs-Səfədi bu barədə "Associated Press"ə müsahibəsində danışıb.

"Biz inanırıq ki, köçkünlük Fələstini öz xalqından daha da uzaqlaşdıracaq bir şeydir. Biz demişik ki, bu, bizim üçün qırmızı xəttdir, çünki bunu milli təhlükəsizliyimizə təhdid kimi görürük və bunun baş verməməsi üçün mümkün olan hər şeyi edəcəyik", deyə Ayman əs-Səfədi bildirib.

O vurğulayıb ki, İordaniya anklav sakinlərinin təhlükəsizliyini təmin etmək üçün zəruri olsa belə, onların köçürülməsinə razı olmayacaq. İordaniya Xarici İşlər Nazirliyinin rəhbəri qeyd edib ki, fələstinlilərin köçürülməsi yalnız İsrail üçün faydalı olacaq.

Ayman əs-Səfədinin fikrincə, "İsrailin gücləndirdiyi işğal var" və bu səbəbdən gərginlik davam edir. 

Samir