Polşanın Baş naziri Mateuş Moravetski deyib ki, Avropa İttifaqı (Aİ) siyasi qurumun sağ qalması üçün mərkəzləşmədən imtina etməlidir. 

HİT.az xəbər verir ki, bu barədə o, Seymdə çıxışı zamanı bildirib.

"Biz ölkələrin öz səlahiyyətlərindən heç bir məhrum edilməsi ilə razılaşmayacağıq. Əgər Avropa İttifaqı sağ qalmaq istəyirsə, o zaman ardıcıl səlahiyyətlər vermək cəhdlərindən əl çəkməlidir", deyə baş nazir bildirib.

O, həmçinin qeyd edib ki, Polşa hökuməti milli səlahiyyətlərə aid olan məsələlərin sayının azaldılmasına razı olmayacaq. Söhbət xarici siyasət, təhlükəsizlik, vergilər, ailə hüququndan gedir.

Noyabrın 13-də Polşa prezidenti Anjey Duda baş nazir Mateuş Moravetskinin istefasını qəbul edərək onu dərhal yeni hökumət başçısı təyin edib. Respublika rəhbəri ona nazirlər kabinetini formalaşdırmağı tapşırıb. Eyni zamanda müxalifətin “Vətəndaş Koalisiyası”, Üçüncü Yol və Sol partiyaları Donald Tuskun rəhbərlik etdiyi yeni hökumətin yaradılması ilə bağlı razılığın əldə olunduğunu açıqlayıb. Noyabrın 27-də Moravetski Polşanın baş naziri kimi and içib.

Samir