Ukraynanın xarici işlər naziri Dmitri Kuleba ölkənin Avropa İttifaqına üzvlüyünə qarşı çıxan Macarıstan timsalında ölkə üçün təhlükənin aradan qaldırıldığını bildirib.
HİT.az bu barədə "RİA Novosti" istinadən xəbər verir.
"Ukraynanın Aİ-yə daxil olması prosesinin daha yavaş olmasını istəyən ölkə var. Bu, Macarıstandır. Dünən Macarıstanın xarici işlər naziri ilə söhbətimin nəticələrinə əsasən, Budapeştin Ukraynanın Aİ-yə üzvlüyünə qarşı çıxması ilə bağlı təhlükə aradan qaldırılıb", deyə Kuleba bildirib.
Bundan əvvəl Macarıstanın Xarici İşlər və Xarici İqtisadi Əlaqələr naziri Peter Siyarto bildirmişdi ki, Qərbi Balkan ölkələri Avropa İttifaqına üzv olmağa Ukraynadan daha yaxşı hazırdırlar. Syiarto hesab edir ki, Aİ-nin həqiqətən də Balkan ölkələrinin təmin edə biləcəyi “təmizlik və təravət”ə ehtiyacı var. Aİ-yə üzvlük prosesi süni, taktiki meyarlar əsasında deyil, konkret ölkənin fəaliyyətinə və nəticələrinə əsaslanmalıdır.
Macarıstanın baş naziri Viktor Orban da əvvəllər bildirmişdi ki, Qərbi Balkan ölkələrinin Avropa Birliyinə qəbulu Budapeşt üçün “həyati maraq”dır, çünki bu, qeyri-qanuni miqrasiya və enerji təchizatı problemlərini həll edəcək.
Bir neçə Qərbi Balkan ölkəsi Aİ üzvlüyünə namizəddir və onların müraciətinin təsdiqini gözləyir: 2005-ci ildən Şimali Makedoniya, 2010-cu ildən Monteneqro və 2012-ci ildən Serbiya.
Samir
