"Macarıstan öz maraqlarını müdafiə etmək üçün kifayət qədər müstəqil ölkədir, Rusiya tərəfi Avropa İttifaqında qərar qəbuletmə praktikasına dair mətbuatda gedən xəbərləri diqqətlə oxuyur". 

HİT.az xəbər verir ki, bunu Rusiya prezidentinin mətbuat katibi Dmitri Peskov brifinq zamanı bildirib.

"Macarıstanın öz maraqları var. Macarıstan, bir çox digər Avropa ölkələrindən fərqli olaraq, öz maraqlarını qətiyyətlə müdafiə edə bilir", deyə Peskov Macarıstanın baş naziri Viktor Orbanın bəyanatlarını şərh edərkən qeyd edib.

Peskov vurğulayıb ki, Macarıstan və onların maraqlarını müdafiə edən bir sıra digər dövlətlərin rusiyapərəst olduğunu düşünmək olmaz.

"Onlar rusiyapərəst deyillər, sadəcə vicdanlıdırlar, öz maraqlarını müdafiə edəcək qədər müstəqildirlər. Yəqin ki, nəhayət, bu, Avropa İttifaqının işidir, Macarıstanın Avropa Komissiyası ilə münasibətləri bizim işimiz deyil", deyə Kreml nümayəndəsi əlavə edib.

Bundan əvvəl Macarıstanın baş naziri Viktor Orban demişdi ki, Budapeşt lazım gələrsə, Ukraynanın Avropa İttifaqına üzvlüyünü dayandıra bilər və bu məsələ ilə bağlı bir neçə dəfə səsvermə keçiriləcək.

Samir