ABŞ-ın Ukraynadakı səfiri Bridcet Brink bildirib ki, Vaşinqtonun gələn qışda ölkəni qorumaqda əsas prioriteti onun enerji infrastrukturunu qorumaqdır. 

HİT.az xəbər verir ki, bu barədə o, X sosial şəbəkəsindəki (keçmiş Twitter) səhifəsində yazıb.

Bundan əlavə, o, Ukraynanın limanları və sərhədləri vasitəsilə ixracı maksimuma çatdırmaq vəzifəsini açıqlayıb.

Bundan əvvəl Almaniyanın xarici işlər naziri Annalena Berbok Ukraynaya dəstək verən ölkələri ölkə üzərində “qış qalxanı” yaratmağa çağırıb.

Almaniya Xarici İşlər Nazirliyinin rəhbərinin sözlərinə görə, bu, Ukraynanı elektrik stansiyalarında baş verən qəzalardan və elektrik enerjisinin kəsilməsindən qorumaq üçün edilməlidir.

Berbokun planlarına hava hücumundan müdafiə sisteminin genişləndirilməsi və elektrik generatorlarının tədarükü, eləcə də Ukrayna ərazilərinin enerji təchizatının ümumi şəkildə gücləndirilməsi daxildir.

"Keçən qış biz Rusiya prezidentinin (Vladimir Putinin) elektrik stansiyalarına qəsdən hücum edərək münaqişəni necə vəhşiliklə idarə etdiyini gördük”, deyə Berbok bildirib.

Samir