Rusiya və Çin ABŞ-ı dünyanın ən böyük gücü kimi devirmək üçün birgə ambisiyalarında getdikcə aqressivləşirlər. 

HİT.az “Business Insider”ə istinadən xəbər verir ki, Moskva və Pekin artıq tarixdə ABŞ üçün ən böyük təhlükəni təmsil edən tamhüquqlu hərbi ittifaq yaratmağa yaxındırlar.

“Aydındır ki, iki dövlət özlərini hərbi tərəfdaşlar hesab edir və bu tərəfdaşlıq Qərb mənasında formal ittifaq olmasa da, getdikcə daha dərin və daha təcrübəli olur”, deyə Atlas Qrupunun baş direktoru Conatan Uord bildirib.

Son iki il ərzində Rusiya və Çin Yapon dənizində birgə hərbi dəniz təlimlərinə başlayıb, Rusiya ABŞ-ın Sakit okeandakı müttəfiqləri ilə müharibədə ona üstünlük verə biləcək sualtı texnologiyanı Çinə ötürüb və iki ölkənin liderlər yüksək texnoloji silahların hazırlanmasında əməkdaşlığa söz veriblər. Rusiya Çinə Su-25 təyyarələri, Mi-17 helikopterləri və S-400 hava hücumundan müdafiə sistemləri də satıb.

"Liderlər rəsmi hərbi ittifaq imzalamasa da, bu cür addımlar ABŞ və onun müttəfiqləri üçün ciddi narahatlığa səbəb olmalıdır. Tam miqyaslı Çin-Rusiya ittifaqı ABŞ üçün Soyuq Müharibədən sonra üzləşdiyi hər şeydən fərqli olaraq təhlükə yaradacaq", deyə Avropa Siyasətinin Təhlili Mərkəzinin analitiki Çelsi Miçta bildirib. 

ABŞ Konqresinin Strateji Duruş Komitəsi oktyabr ayında bildirmişdi ki, Birləşmiş Ştatlar indi Çinin yüksəlişi səbəbindən “keçmişdə və hətta Soyuq Müharibənin ən qaranlıq günlərində olduğundan əsaslı şəkildə fərqli” təhlükələrlə üzləşir.

“Rusiya-Çin oxu ABŞ üçün böyük təhlükə yaradır, çünki biz həm Avropada, həm Asiyada, həm də Yaxın Şərqdə təhlükəsizliklə bağlı narahatlıq keçirməli olacağıq, bu zaman Pekin və Çin arasında çətin vəziyyətə düşmək riski var. Moskva öz regional ambisiyalarına nail olmaq üçün səyləri əlaqələndirir”, deyə Conatan Uord bildirib.

Samir