Almaniya hökumətinin sözçüsü Volfqanq Büxner bildirib ki, kansler Olaf Şolts ABŞ-dan Ukraynaya davamlı dəstək gözləyir.
HİT.az bu barədə TASS-a istinadən xəbər verir.
“Kansler güman edir ki, Birləşmiş Ştatlar Ukraynanı dəstəkləməyə davam edəcək”, deyə Büxner bildirib.
Bundan əvvəl ABŞ dövlət katibi Entoni Blinken ABŞ-ın Ukraynaya 250 milyon dollarlıq hərbi yardım paketi ayırdığını və bunun bu il sonuncu olacağını bildirmişdi.
Amerika hərbi yardımının yeni paketinə hava hücumundan müdafiə sistemləri üçün sursat və avadanlıqlar və çoxsaylı buraxılış raket sistemləri (MLRS) üçün sursat daxildir. Bundan əlavə, ABŞ Ukraynaya 155 mm və 105 mm-lik top mərmiləri və tank əleyhinə silahlar verəcək.
Sonradan məlum olub ki, ABŞ prezidenti Co Bayden dövlət katibi Entoni Blinkenə Ukraynaya əlavə yardımın göstərilməsinin mümkünlüyünü nəzərdən keçirməyi tapşırıb. Baydenin memorandumu qeyd edir ki, o, Ukraynaya 20 milyon dollara qədər yardım göstərməyin ABŞ-ın milli təhlükəsizlik maraqlarına uyğun olub-olmadığını müəyyən etmək səlahiyyətini verir.
Samir
