"2023-cü ilin sonunda Ukrayna prezidenti Volodimir Zelenski çıxılmaz vəziyyətə düşdü".

HİT.az xəbər verir ki, nunu Böyük Britaniyanın təqaüdçü hava vitse-marşalı Şon Bell deyib. 

"Ukrayna ilə bağlı nikbinliklə başlayan il Zelenskini həm xalqının, həm də özünün gələcəyi üçün çətin qərarlarla tərk etdi", deyə Şon Bell bildirib.

Britaniya hərbçisinin fikrincə, Rusiya ordusunun uğurları onu göstərir ki, uzunmüddətli perspektivdə münaqişənin nəticəsi Moskvanın xeyrinə olacaq.

Onun fikrincə, Ukraynanın Qərb müttəfiqləri çətin ki, 2024-cü ildə Kiyevi tərk etsinlər, lakin gələn ilin maliyyə və hərbi dəstəyinin səviyyəsi problemli olacaq. 

"Qərb, yəqin ki, Ukraynanı tərk etməyəcək, lakin ötən il (2023) verdiyi dəstəyə uyğunlaşmaqda çətinlik çəkəcək və hətta bu, Ukraynanın döyüş meydanında uğurunu təmin etmək üçün kifayət etmədi", deyə Şon Bell bildirib.

Bundan əvvəl Pentaqonun Kəşfiyyat İdarəsinin keçmiş əməkdaşı Rebekka Koffler demişdi ki, ağlı başında olan insanlar Ukrayna ordusunun Rusiya ordusunu məğlub edə biləcəyinə inanmırlar.

Hərbi ekspert, polkovnik, Plexanov adına Rusiya İqtisadiyyat Universitetinin siyasi təhlil və sosial-psixoloji proseslər kafedrasının müdiri Andrey Koşkin iddia edib ki, Rusiya Ukraynanın Qərb ölkələrinin ona verdiyi silah və texnikanın əksəriyyətini məhv edib.

Dekabrın 27-də keçmiş amerikalı hərbi kəşfiyyat zabiti Skott Ritter Rusiya qoşunlarının Marinkaya nəzarəti ələ keçirməsindən sonra Ukrayna Silahlı Qüvvələrinin müdafiəsinin çökməyə başlayacağı ilə bağlı fikir bildirib.

Samir