Çin lideri Si Szinpin korrupsiya ilə bağlı xəbərlərin ortaya çıxmasından sonra hərbi personalla bağlı bir sıra qərarlar verib.

HİT.az xəbər verir ki, bu barədə “Bloomberg” ABŞ kəşfiyyatının məlumatlarına istinadən məlumat yayıb.

Həmsöhbətlərin fikrincə, ABŞ-ın qiymətləndirmələrində Çin ordusundakı korrupsiya ilə bağlı bir neçə nümunə göstərilib. Bunlara yanacaq əvəzinə su ilə doldurulmuş raketlər və Çinin qərbində düzgün işləməmiş qapaqlı raket minalarının geniş sahələri daxildir.

Birləşmiş Ştatlar hesab edir ki, Çin Xalq Azadlıq Ordusunda korrupsiya onun ümumi imkanlarına, xüsusən də Raket Qüvvələrinə inamın azalmasına və Si Szinpinin hərbi modernləşdirmə prioritetlərindən bəzilərində geri addım atılmasına səbəb olub.

Ondan çox yüksək rütbəli müdafiə məmuru son 6 ayda Çinin müasir tarixində ən böyük hərbi güc mübarizəsi ola biləcək rüşvət istintaqında iştirak edib.

Eyni zamanda, ABŞ hesab edir ki, Si Szinpin Çin ordusunun bu genişmiqyaslı təmizlənməsi ilə zəifləməyib. Əksinə, onun yüksək vəzifəli şəxsləri, o cümlədən rəhbərliyi altında irəli çəkilmiş bəzi şəxsləri vəzifədən kənarlaşdırmaq qərarı Kommunist Partiyasına təsirinin hələ də güclü olduğunu və nizam-intizamı yaxşılaşdırmaq, korrupsiyanı aradan qaldırmaq və nəhayət, uzunmüddətli kadr hazırlığına ciddi yanaşdığını göstərir. 

Samir