İran Prezidenti İbrahim Rəisi Türkiyəyə rəsmi səfər edib.

İran Prezidenti səfəri çərçivəsində türkiyəli həmkarı Rəcəb Tayyib Ərdoğanla danışıqlar aparacaq, eləcə də Türkiyə-İran Yüksəksəviyyəli Əməkdaşlıq Şurasının 8-ci iclasında iştirak edəcək. 

İki ölkə liderinin görüşü zamanı Qəzzadakı son vəziyyətlə yanaşı, İraq, Suriya, Cənubi Qafqaz, Əfqanıstan və Ukrayna ilə bağlı bir sıra məsələlər müzakirə ediləcək.