Almaniyanın federal kansleri Olaf Şolts ABŞ-da seçkilərin mümkün nəticələri barədə danışıb. 

HİT.az xəbər verir ki, bu barədə "RİA Novosti" məlumat yayıb.

Onun fikrincə, ABŞ seçkilərinin müəyyən nəticəsi olarsa, dünya daha da mürəkkəbləşəcək. Bununla yanaşı, kansler hesab edir ki, Avropa İttifaqı daha da güclənməlidir və bunun mümkün olması üçün Fransa və Almaniya öz üzərinə vəzifə götürməlidir.

Şolts qeyd edib ki, o, Fransa prezidenti Emmanuel Makronla daim təmasdadır və hər iki ölkə mövcud çağırışlara cavab verə bilməyə çalışır.

Bundan əvvəl Çexiya prezidenti Petr Pavel bildirib ki, Avropa Ukraynaya dəstək kontekstində ABŞ prezident seçkilərində Donald Trampın mümkün qələbəsinə hazırlaşmalıdır. O, həmçinin prezident seçərkən Amerika xalqının fikirlərinə hörmət etməyə çağırıb. Bununla belə, o, səsvermənin nəticəsinin Avropa üçün müəyyən nəticələr verəcəyini vurğulayıb.

Samir