Belarusun yeni Hərbi Doktrinası Rusiyanın ötən il yerləşdirdiyi taktiki nüvə silahlarından (TNW) istifadə mexanizmlərindən danışmır. 

HİT.az xəbər verir ki, bunu Belarus Silahlı Qüvvələri Baş Qərargahının informasiya-analitik idarəsinin rəisi Artem Butorin deyib.

“Nüvə silahlarına gəlincə, hərbi doktrina bu silahlardan istifadə mexanizmləri, üsulları, formaları və taktikalarından danışmır", deyə rəsmi bildirib.

O qeyd edib ki, doktrina “siyasi aspektləri” bəyan edir. Xüsusilə, nüvə silahının ölkəyə qarşı təcavüzün qarşısını almaq üçün strateji bir vasitə olduğu deyilir.

Polkovnik Butorinin sözlərinə görə, doktrina “sülhsevər oriyentasiya”nı saxlayır, lakin dövlətin milli maraqlarının müdafiəsini bəyan edir.

Yanvarda Belarusun müdafiə naziri Viktor Xrenin bildirmişdi ki, ölkənin yenilənmiş Hərbi Doktrina Kollektiv Təhlükəsizlik Müqaviləsi Təşkilatı (KTMT) və İttifaq dövlətindəki müttəfiqlərinə qarşı silahlı təcavüz halında Minskin hərəkətlərini müəyyən edir.

Samir