Macarıstanın xarici işlər naziri Peter Siyarto bildirib ki, Budapeşt Avropa İttifaqının (Aİ) Ukrayna böhranının sülh yolu ilə həlli planı üzərində düşünmək əvəzinə Rusiyaya qarşı sanksiyalar siyasətini davam etdirməsindən narahatdır. 

HİT.az xəbər verir ki, nazir bu barədə öz "Facebook" səhifəsində yazıb.

"Təəssüf ki, gündəmdə sülhə yönələcək plan təklifi yoxdur. Əslində isə əksinə: yenidən Avropa İttifaqı növbəti sanksiyalar raundunu qəbul etməklə Vaşinqton, liberal media və qeyri-hökumət təşkilatları ilə yarı yolda görüşmək istəyir, bu dəfə heç bir mənası yoxdur", deyə Siyarto yazıb.

Onun sözlərinə görə, Ukrayna böhranının ikinci ildönümü Avropa rəhbərliyi üçün hərbi əməliyyatların dayandırılması və sülh danışıqlarının təşviqi üçün fürsət olmalıdır.

Bundan əvvəl "Financial Times" xəbər vermişdi ki, Avropa İttifaqına üzv ölkələrin səfirləri fevralın 14-də Rusiya Federasiyasına qarşı növbəti sanksiyalar paketi ilə bağlı razılığa gəlməyi planlaşdırsalar da, Macarıstan nümayəndəsi sənədin qəbuluna mane olub. Adı açıqlanmayan rəsminin sözlərinə görə, Budapeşt 3 Çin və bir Hindistan şirkətinin daxil olması səbəbindən 13-cü anti-Rusiya sanksiyalar paketinə qarşı çıxıb. Nəşrin digər mənbəsi bildirib ki, Macarıstan səfiri ölkəsinə bu təşəbbüsü nəzərdən keçirmək üçün daha çox vaxt istəyib.

Samir