Respublikaçılar Partiyasından prezidentliyə namizədlərdən biri olan ABŞ-ın BMT-dəki keçmiş səfiri Nikki Heyli Amerikalılar Rifah Naminə  təşkilatının maliyyə dəstəyini itirib. 

HİT.az xəbər verir ki, "Bloomberg" bu barədə jurnalistlərə təqdim edilən sənədə istinadən yazıb.

Materialda qeyd olunur ki, təşkilat Heylinin Cənubi Karolina praymerizlərində məğlubiyyətindən sonra maliyyələşdirməni dayandırmaq qərarına gəlib. Eyni zamanda, siyasətçi əvvəllər ilkin səsvermədə qalib gələcəyinə ümid edirdi, çünki keçmişdə iki dəfə adıçəkilən ştatın qubernatoru olub.

"Əsas ştatlarda qarşıda duran problemləri nəzərə alaraq, biz inanmırıq ki, hər hansı kənar qrup onun (Heyli) qələbəyə aparan yolunun genişlənməsinə əhəmiyyətli dərəcədə təsir göstərə bilər", deyə Amerikalıların Rifah Naminə təşkilatının baş məsləhətçisi Emili Zaydel bildirib.

Nəşrin məlumatına görə, namizədliyə daha bir namizəd - ABŞ-ın keçmiş prezidenti Donald Tramp praymerizlərdə qalib gəldikdən sonra martın ortalarına qədər Respublikaçılar Partiyasının seçkilərdə nümayəndəsi kimi təyin olunmaq üçün lazımi sayda nümayəndə toplamaq imkanı əldə edib.

Fevralın 24-də Cənubi Karolinada Respublikaçılar Partiyasının praymerizləri keçirilib və nəticəyə görə Ağ Evin keçmiş sahibi 59,8% səs toplayıb. Onun qalan yeganə rəqibi Heyli isə öz növbəsində 39,5% səs toplaya bilib. 

Samir