Almaniyanın xarici işlər naziri Annalena Berbok bildirib ki, Qərbi Balkan ölkələri Avropa İttifaqına gedən yolda dəstəyə layiqdir, çünki Rusiyanın sabitliyi pozmaq üçün istifadə edə biləcəyi boz bölgələr Avropada qala bilməz.

HİT.az bu barədə DPA agentliyinə istinadən xəbər verir.

"Biz Avropanın heç bir yerində boz əraziləri saxlaya bilmərik və Rusiya Federasiyasının sabitliyi pozma, dezinformasiya və infiltrasiya siyasətləri üçün istifadə edə biləcəyi cinahları bağlamaq üçün birlikdə işləmək üçün mümkün olan hər şeyi etməliyik", deyə Berbok bölgəyə səfərindən əvvəl bildirib.

Onun sözlərinə görə, Qərbi Balkan ölkələrinin Aİ-yə qoşulması Rusiyanın sərt imperializm siyasəti qarşısında geosiyasi zərurətə çevrilib.

"Biz regionun altı dövlətini Avropa İttifaqına doğru aparan yolda dəstəkləmək üçün mümkün olan hər şeyi edirik", deyə Berbok əlavə edib.

Bundan əvvəl Berbok bildirmişdi ki, Avropa İttifaqının genişlənməsi təhlükəsizlik məsələləri ilə bağlıdır. Almaniyanın XİN başçısı vurğulayıb ki, Qərbi Balkanlarda Avropanın güclü təsiri olmasa, orada başqaları da olacaq - Rusiya və ya Çin:

"Ona görə də Avropa İttifaqının genişlənməsi bizim üçün geostrateji vəziyyət, təhlükəsizlik siyasəti məsələsidir.

Samir