Fransanın xarici işlər naziri Stefan Sejurne Avropa ölkələrinin Ukraynaya daha çox dəstək göstərməsi və Rusiya ilə güc balansı əsasında dialoq aparmasının vacibliyini vurğulayıb. 

HİT.az xəbər verir ki, XİN başçısı bu barədə La Tribune du dimanche jurnalına müsahibəsində danışıb.

Stefan Sejurne qeyd edib ki, Rusiya Avropa ölkələrinin xarici siyasətinə təsir göstərməyə çalışdığı halda, Avropa İttifaqının öz qaydalarını müəyyən edə biləcəyinə inanmaq düzgün deyil.

O vurğulayıb ki, Fransa Rusiyaya münasibətdə həmişə aydın davranıb və Avropa İttifaqı ictimaiyyətinin Ukraynaya dəstəkdə birlik nümayiş etdirməsini təmin etməyə çalışır.

Nazir Ukrayna ilə Fransa da daxil olmaqla 7 ölkə arasında təhlükəsizlik zəmanətləri üzrə ikitərəfli sazişləri xatırladıb, həmçinin daha 25 ölkənin analoji sazişlərin bağlanması prosesində olduğunu xatırladıb. O, Fransa və Almaniya arasında Ukraynaya dəstəklə bağlı əksər məsələlərdə konsensusun mövcud olduğunu vurğulayıb.

Qərb qoşunlarının Ukraynaya mümkün yerləşdirilməsi ilə bağlı danışan Stefan Sejurne qeyd edib ki, əsas məsələ Qərbin Ukraynaya maksimum dəstəkdən başqa Rusiyanı hərbi əməliyyatları dayandırmağa məcbur etmək bacarığıdır. Oxşar müzakirələr yüksək səviyyədə, o cümlədən fevralın 26-da Yelisey sarayında keçirilən görüşdə baş tutub.

Rusiya prezidentinin mətbuat katibi Dmitri Peskov NATO ölkələrinin hərbçilərinin Ukrayna ərazisinə düşəcəyi təqdirdə mümkün münaqişə barədə xəbərdarlıq edib. Moskva Qərb dövlətlərini Kiyevə hərbi yardım göstərməkdə qınayır və bu, Kremlin fikrincə, mövcud vəziyyəti daha da gərginləşdirir.

Rusiya prezidenti Vladimir Putin isə NATO qoşunlarının Ukraynaya yeridilməsi ilə bağlı danışarkən Qərbi birbaşa nüvə hücumu ilə hədələyib.

Samir