Qazaxıstanın eks-prezidenti Nursultan Nazarbayevin qardaşı oğlu Kayrat Satıbaldyulı cinayət yolu ilə əldə edilmiş pul vəsaitlərinin qanunsuz yuyulmasında təqsirli olduğunu etiraf edib. 

HİT.az xəbər verir ki, bu barədə Respublika Ali Məhkəməsinin məlumatında deyilir.

"Müttəhim ittihamları tam etiraf edib", deyə məhkəmənin nümayəndələri bildiriblər.

Qeyd olunur ki, Satybaldyulinin vəkili prosessual razılaşma və qeyri-qanuni əldə edilmiş əmlakın geri qaytarılması ilə bağlı vəsatət qaldırıb. Bu məsələni həll etmək üçün məhkəmə iclası qeyri-müəyyən müddətə təxirə salıb.

2023-cü il mayın 31-də Qazaxıstanın antikorrupsiya qurumu ölkənin hüquq-mühafizə orqanlarının Satybaldyuli işi ilə bağlı 464 milyard təngədən (1 milyard dollardan çox) çox vəsaiti respublika büdcəsinə qaytardığını bildirib.

Samir