Avropa İttifaqı (Aİ) ABŞ dəstəyini zəiflədəcəyi tədqirdə Ukraynaya yardımı azaldacaq. 

HİT.az xəbər verir ki, bunu NATO baş katibinin keçmiş müavini Aleksandr Verşbou və ABŞ Milli Təhlükəsizlik Şurasının keçmiş rəsmiləri Riçard Huker və Hans Binnendijk “The Foreign Affairs” jurnalı üçün yazdığı məqalədə bildiriblər.

Onların fikrincə, bu, Donald Trampın ABŞ prezidentliyinə qayıtması halında mümkündür. O, Vaşinqtonun Kiyevi dəstəkləməkdən tamamilə imtina etməsə belə, Trampın NATO ilə bağlı hazırkı mövqeyi və respublikanı dəstəkləməkdə maraqlı olmaması Avropanın Amerika rəhbərliyinə və hərbi qətiyyətinə inamını sarsıdacaq.

Məqalədə həmçinin bildirilir ki, Tramp Avropa ölkələri qarşısında müdafiə öhdəliklərini zəiflətsə və ya sona çatdırsa, onlar özlərini zəif hiss edəcəklər və Ukrayna qoşunlarına daha az sursat göndərəcəklər.

Keçmiş Amerika rəsmiləri qeyd ediblər ki, hadisələrin bu cür inkişafı ilə Ukrayna Rusiya ilə danışıqlara razılıq verməli olacaq.

Aprelin 24-də ABŞ Senatı Ukrayna, İsrail və Tayvana hərbi yardım göstərilməsi və Rusiyanın ABŞ-dakı dondurulmuş aktivlərinin müsadirə edilməsi ilə bağlı qanun layihələri paketini təsdiqləyib. Müttəfiqlərə yardım paketi 95 milyard dollar üçün nəzərdə tutulub. Bunun təxminən 61 milyard dolları Ukraynaya, 26 milyard dolları İsrailə, həmçinin Qəzza zolağı da daxil olmaqla münaqişə zonalarında mülki insanlara humanitar yardım göstərmək üçün nəzərdə tutulub. Ukraynaya yardım haqqında qanun layihəsinin lehinə 79 senator səs verib, 18 senator əleyhinə çıxıb.

Samir