Gürcüstanda "xarici agentlər haqqında" qanun təxirə salınmayacaq, hakim Gürcü Arzusu Partiyası müttəfiqlərinin dəstəyini itirməmək üçün onun qəbuluna görə hər şeyi edəcək.

HİT.az xəbər verir ki, bunu gürcü politoloq Ramaz Sakvarelidze bildirib. 

O, NSN ilə söhbətində bildirib ki, sənəd prezident Salome Zurabişvilinin ona qoyduğu vetoya da qalib gələ biləcək.

Ekspertin fikrincə, parlamentin səs çoxluğu ilə prezidentin vetosunu aşdığı hallar dəfələrlə baş verib. O, qanunun təsdiqinin xeyrinə qərar verməsini onunla izah edib ki, hakimiyyətdə olan partiya yenidən geri addım atsa, tərəfdarlarını itirəcək.

"Siyasətdə zəifləri sevmirlər. "Gürcü Arzusu"nun bu qanunun qəbulunu şüurlu şəkildə qəbul etməsi və məqsədini, fəaliyyət planını müdafiə etmək gücünə malik olması gözlənilir", deyə Sakvarelidze izah edib.

Politoloq hesab edir ki, qanun qəbul olunarsa, ABŞ çətin ki, sərt reaksiya versin. O xatırladıb ki, Amerika hakimiyyət orqanları yalnız sənəddə nəyinsə dəyişdirilməsini tələb ediblər. Sakvarelidzenin sözlərinə görə, bu, yaxın vaxtlarda həyata keçiriləcək, çünki “Gürcü Arzusu”nun nümayəndələri də qanuna bəzi düzəlişlərin edilməsinin zəruriliyi ilə razıdırlar.

Xatırladaq ki, ötən həftə Gürcüstan prezidenti "xarici agentlər haqqında" qəbul edilmiş qanunu imzalamaqdan imtina edərək bunu Gürcüstanın Avropa yoluna maneə adlandırmışdı. Sənəd ölkədə etirazlara səbəb olub.

Samir