İngiltərədə dəri xərçəngi hallarının sayının 2024-cü ildə rekord səviyyəyə çatacağı gözlənilir.

HİT.az xəbər verir ki, bu barədə Xərçəng Araşdırmaları Xeyriyyə Təşkilatının internet saytında bazar ertəsi dərc edilən məlumatda deyilir.

"Yeni təhlillər göstərir ki, son on ildə melanoma nisbəti demək olar 1/3 artıb. Tədqiqatçılar bu il Böyük Britaniyada rekord - 20,800 hadisənin olacağını proqnozlaşdırırlar", deyə sənəddə qeyd edilir.

Xəstəliyin artması bütün yaş kateqoriyalarında müşahidə olunur, lakin ən böyük artım (son 10 il ərzində 57%) 80 yaşdan yuxarı yaşlı insanlar arasında qeydə alınıb. 

Təşkilatın fikrincə, bu statistikanın səbəbləri yaşlı insanlar arasında keçmişdə ultrabənövşəyi şüalara məruz qalma ilə dəri xərçəngi arasında əlaqənin az olması, həmçinin Britaniya əhalisinin qocalmasıdır.

Bununla əlaqədar olaraq, təşkilat insanları yayda kölgədə qalmağa, SPF faktoru ən azı 30 olan günəşdən qoruyucu vasitələrdən istifadə etməyə və bədənin açıq nahiyələrini geyimlə örtməyə çağırır.

Bununla belə, erkən diaqnoz və müalicənin təkmilləşdirilməsi səbəbindən melanomadan ölüm hallarının azalmaqda davam etdiyi qeyd edilir. Bir mətbuat şərhinə görə, dəri xərçəngi üçün sağ qalma nisbətləri 50 il ərzində iki dəfə artıb.

Samir