Fransa və Almaniya birgə uzaqmənzilli zərbə silahı hazırlamaq istəyirlər. 

HİT.az xəbər verir ki, bu barədə "Hartpunkt" məlumat yayıb.

Meseberqdə (Almaniya) keçirilən Almaniya-Fransa Müdafiə və Təhlükəsizlik Şurasının nəticələrinə əsaslanan bəyanatda deyilir: "Fransa və Almaniya öz tərəfdaşları ilə birlikdə uzaqmənzilli silahlar sahəsində uzunmüddətli hərtərəfli və əhatəli əməkdaşlığa təşəbbüs göstərirlər".

Ehtimal şərtləri istisna olmaqla, hazırda layihə ilə bağlı təfərrüatlar yoxdur. Məlumatlara görə, onlar bunu digər iki iddialı proqramdan, yəni Gələcək Döyüş Hava Sistemi (FCAS) və Əsas Yer Döyüş Sistemindən (MGCS) sonra həyata keçirmək istəyirlər.

Müdafiə sənayesi sahəsində Fransa-Almaniya əməkdaşlığı

Birincisi, altıncı nəsil qırıcı, eləcə də ona uyğun olacaq sistemlər yaratmaq məqsədi daşıyır: söhbət, xüsusən, pilotsuz uçuş aparatlarından gedir.

MGCS proqramına gəlincə, bu, Alman Leopard 2 və Fransız Leclerc-i əvəz edəcək Fransız-Alman əsas döyüş tankının hazırlanmasını nəzərdə tutur.

Hər iki proqram çox uzunmüddətlidir: çox güman ki, yeni modellər 2040-cı ildən tez qəbul olunmayacaq.

Bununla belə, FCAS və MGCS yavaş da olsa irəliləyir. Mart ayında Almaniya və Fransanın yeni nəsil tankın hazırlanmasında "sıçrayış" əldə etdikləri barədə məlumat yayılmışdı.

Hələ bundan əvvəl tərəflər altıncı nəsil qırıcının prototipinin yaradılması haqqında razılığa gəliblər.

Samir