Avropa İttifaqı Macarıstanın quruma gələcək sədrliyi zamanı veto hüququnu ləğv etmək üçün fövqəladə addımlar ata bilər. 

Hit.az xəbər verir ki, bu barədə “Politico” yazır.

2024-cü ilin əvvəlindən Belçika Aİ-yə sədrlik edir, iyul ayında sədrlik Macarıstana keçəcək. Məlum olub ki, Belçikanın xarici işlər naziri Hadja Lahbib bu faktdan çox narahat olub.

“Politico”ya müsahibəsində nazir deyib ki, Avropa bütövlükdə irəliləyir, eyni zamanda bir dövlət getdikcə daha çox tranzaksiya mövqeyi tutur, ümumavropa qərarlarını əngəlləyir və veto qoyur.

Bununla əlaqədar olaraq o, Avropa İttifaqı haqqında Müqavilənin üzv dövlətin müəyyən hüquqlarının dayandırılmasını nəzərdə tutan 7-ci maddəsinə əsasən Macarıstana qarşı “senzura proseduru”na başlamaq zərurətini bəyan edib. Bütün digər Aİ dövlətləri pozucunun Aİ-nin insan ləyaqətinə hörmət, azadlıq, demokratiya, bərabərlik, qanunun aliliyi və insan hüquqlarına hörmət kimi fundamental dəyərlərini daim pozduğunu hesab edərsə, maddə aktivləşdirilə bilər.

“Düşünürəm ki, qərarlar qəbul etmək üçün cəsarətə malik olmalıyıq: 7-ci maddəyə əməl etmək, 7-ci maddəni sona qədər aktivləşdirmək, bu, vetonun sonu”, deyə Lahbib bildirib.

Onun fikrincə, Avropa İttifaqının gələcəyi bundan asılıdır.

İyunun 1-də Macarıstanın baş naziri Viktor Orban sülh naminə transatlantik koalisiyanın yaradılmasının mümkünlüyünü açıqlayıb. Onun fikrincə, Avropa Parlamentinə seçkilər və ABŞ prezident seçkilərindən sonra Qərb ölkələrinin siyasətində dəyişikliklər baş verə bilər.

Samir