ABŞ-ın respublikaçı senatoru Mayk Li bildirib ki, hazırkı prezident Co Baydenin Ukrayna siyasəti Vaşinqtonu birbaşa Moskva ilə münaqişəyə cəlb edə bilər. 

Hit.az xəbər verir ki, o, X sosial şəbəkəsində hadisələrin bu cür inkişafının qarşısını almağa çağırıb.

“Bu, bizim müharibəmiz deyil. Amma o, asanlıqla bizim ola bilər. Və bunun sonu pis olacaq. Artıq geri çəkilmək vaxtıdır”, deyə Li milyarder Devid Saksın fikirlərini şərh edib.

O bildirib ki, hətta Soyuq Müharibə dövründə də ABŞ vasitəçi vasitəsilə Rusiyaya zərbə endirmək barədə düşünməzdi.

Bundan əvvəl ABŞ Senatının Ohayodan üzvü Ceyms Devid Vens bəyan etmişdi ki, Vaşinqton dövlət başçısı Co Baydenin Ukraynanın Rusiyaya Amerika silahları ilə zərbələr endirməsinə razılıq verməsi ilə bağlı qərarı ilə nüvə münaqişəsinə doğru gedir.

Vansın fikrincə, nüvə müharibəsi riski onun yaddaşında hər zaman olduğundan daha çoxdur. Senator vurğulayıb ki, Bayden öz hərəkətləri ilə düşünmədən üçüncü dünya müharibəsinə aparır.

İyunun 2-də Ağ Evin Strateji Kommunikasiyalar üzrə koordinatoru Con Kirbi bildirib ki, Bayden Ukrayna Silahlı Qüvvələrinə Amerika silahları ilə Rusiya ərazisinə zərbə endirməsinə icazə vermək qərarının tam nəticələrini anlayır.

Samir