Aktyor Kevin Spacey məhkəmələrdən sonra evinin milyonlarla dollarlıq borclarına görə əlindən alındığını etiraf edib. 

Hit.az xəbər verir ki, bu barədə "The House of Cards" ulduzu "YouTube"da yayımlanan "The Peter Morgan Show"da danışıb.

“İndi harada yaşayacağımı bilmirəm. Baltimorda “Kartlar evi” filminin çəkilişlərinə başladığımız vaxtdan orada yaşayıram. 2016-cı ildən bura mənim evimdir, amma indi hesabı ödəyə bilmirəm”, deyə məşhur göz yaşlarını güclə saxlayaraq bildirib.

Spaceyin dediyinə görə, onun praktiki olaraq pulu qalmayıb. Eyni zamanda, aktyor indiyədək iflasdan qaça bildiyinə də aydınlıq gətirib. Sənətçi borcu olduğunu etiraf etsə də, bu məsələ ilə bir-iki dəfə məhkəməyə müraciət etmək niyyətində olub.

“Hələ çox borcum var. Bəli, mənim ciddi borcum var. Bir çox milyonlar...", deyə Spacey izah edib.

Spacey 2023-cü ilin iyulunda Britaniya məhkəməsi tərəfindən ölkənin ən səs-küylü #MeToo məhkəmələrindən birində dörd kişiyə cinsi təcavüz ittihamı ilə bəraət qazanıb. Ona qarşı bütün ittihamlar aktyorun Londonun Old Vic Teatrının bədii rəhbəri olduğu 2000-ci və 2010-cu illərə təsadüf edir. Aktyora qarşı ilk təqib ittihamları 2017-ci ildə irəli sürülüb.

Tezliklə Spacey rollarını itirməyə başlayıb. Müsahibələrin birində aktyor qeyd edib ki, onu dəstəkləyən insanlar sözünü deməkdən çəkinirlər.

Samir