"Google Maps" istifadəçiləri ABŞ ordusunun indiyədək göstərmədiyi və gizli saxladığı "Manta Ray" sualtı dronunun fotosunu xəritələrdə aşkar ediblər. 

HİT.az bu barədə "Bild"ə istinadən xəbər verir.

Jurnalistlərin sözlərinə görə, gəmi Los-Ancelesin şimalında yerləşən Port Veneme hərbi dəniz bazasında dayanıb. Sualtı pilotsuz uçan aparat son bir neçə ay ərzində orada sınaqdan keçirilir. Belə bir gəminin yaradıcısı Amerikanın "Northrop Grumman" müdafiə şirkətidir.

"Google Maps" şəkillərində "Manta Ray"in qanadlarının açıqlığının təxminən 14 metr, uzunluğunun isə 10 metr olduğunu görə bilərsiniz.

“Bu yüksək texnologiyalı sualtı dronun özəlliyi ondan ibarətdir ki, o, hərəkət etmək üçün suyun üzmə qabiliyyətindən istifadə edir, dənizdə hərəkətsiz qala bilir, həmçinin ağır yükləri daşıya bilir", deyə "Bild" qeyd edib.

Həmçinin, bu dron daşınmaq üçün asanlıqla sökülə və tez bir zamanda yenidən yığıla bilər. İnkişafın əsas məqsədi xüsusilə uzaq məsafəyə malik olan pilotsuz sualtı silahın yaradılmasıdır.

Analitiklərin fikrincə, "Manta Ray" nüvə silahı ilə təchiz oluna bilər, onun uçuş məsafəsi demək olar ki, 10 min kilometr, maksimal sürəti isə saatda təxminən 190 kilometr olacaq.

Samir