İranda aviasiya iqtisadi sanksiyalara görə uzun illər acınacaqlı vəziyyətdədir. Halbuki, bir neçə ay əvvəl məlum olduğu kimi, ölkəyə iki enli füzeli "Airbus A340" təyyarəsi gətirilib.

HİT.az xəbər verir ki, bu barədə "Bild" yazıb.

Bu, sanksiyaların Tehran rejiminə yeni təyyarə almasını qadağan etməsinə baxmayaraq baş verib. Əvvəllər İran hakimiyyəti cəbhə şirkətlərinin köməyi ilə və üçüncü ölkələr vasitəsilə təyyarələrin təmiri üçün lazım olan ehtiyat hissələri idxal edirdi.

İrana çatmazdan əvvəl qaçaqmalçılıq yolu ilə gətirilən təyyarələr Qambiyada yerləşən "Macka Invest" lizinq şirkəti tərəfindən Litvanın Şaulyai hava limanında saxlanılıb. Litva mətbuatının məlumatına görə, bu ilin fevralında Şyaulyai hava limanından iki A340 təyyarəsi havaya qalxıb.

Bir təyyarə rəsmi olaraq Şri-Lankaya, digəri Filippinə getməli olan təyyarələr İranın hava məkanına çatanda milliyyəti məlum olmayan pilotlar transponderlərini söndürüblər. Bundan sonra onların marşrutu daha izlənilməyib.

Litvanın vz.lt xəbər portalının məlumatına görə, "Airbus A340" təyyarələrindən biri Tehran-Mehrabad hava limanına, digəri isə İranın cənubundakı Konarək hava limanına enib.

"Macka Invest"ə məxsus və təyyarə hissələri ilə yüklənmiş üçüncü "Airbus A340"ın havaya qalxması qadağan edilib.

Samir