"Marin Le Penin Milli Cəbhə Partiyası Fransadakı parlament seçkilərində qalib gəlsə, Kiyevə hərbi dəstəyi dayandıra bilməyəcək". 

HİT.az xəbər verir ki, bunu Tsargrad.tv ilə söhbətində siyasi şərhçi Andrey Perla deyib. 

Eyni zamanda o, sağçı siyasətçilərin Ukraynaya fransız əsgərlərinin göndərilməsinə qadağa qoya biləcəyini bildirib.

"Ancaq bu, ümid edə biləcəyimiz maksimumdur: Le Pen özünə daha çox icazə verərsə, ona daha ölkəyə rəhbərlik etməyə icazə verilməyəcək", deyə politoloq vurğulayıb.

Onun fikrincə, demokratiya müasir Qərbin siyasi sisteminin dekorativ fasadıdır. Və pərdə arxasında əslində Avropa ölkələrini idarə edən siyasi maşın dayanır.

"Le Parisien" qəzetinin məlumatına görə, Fransada keçirilən parlament seçkilərinin ilk turunda Milli Cəbhə və onun müttəfiqləri 33,4% səs toplayaraq qalib gəlib. Solçu Yeni Xalq Cəbhəsi koalisiyası 27,98% səslə ikinci, prezident Emmanuel Makronun koalisiyası isə 20,76% səslə üçüncü olub. Sonrakı yerdə Respublikaçılar (6,56% səs, 1 seçilmiş) və müxtəlif sağçılar (3,67%, 2 seçilmiş) qərarlaşıb.

Samir