Ruslar tədricən öz adi xarici daşınmaz əmlak bazarına - Avropaya qayıtmağa başlayıblar.

HİT.az xəbər verir ki, bu barədə "Kommersant" müvafiq qurumların məlumatlarına istinadən yazır.

Son altı ayda Rusiya vətəndaşlarının Bolqarıstanda mənzilə tələbatı keçən illə müqayisədə 40% artıb. Bundan əlavə, Monteneqroda daşınmaz əmlakın alınmasına maraq əhəmiyyətli dərəcədə artıb - illik 12%. 

Macarıstan, Cənubi Kipr, Fransa və İspaniya da ruslar arasında daşınmaz əmlak almaq üçün ən populyar Avropa ölkələri arasındadır.

Asiya da müsbət dinamika nümayiş etdirməkdə davam edir. Yanvar-iyun aylarında rusiyalı investorların Taylanda marağı 64%, İndoneziyada 15%-ə qədər artıb.

Bu arada, ruslar arasında Türkiyə və BƏƏ-də mənzil alınmasına tələb 2024-cü ilin əvvəlindən nəzərəçarpacaq dərəcədə azalıb. İlk altı ayın nəticələrinə əsasən, azalma müvafiq olaraq 36% və 24% təşkil edib.

Samir