Tatarıstan Ali Məhkəməsi hədə-qorxu ilə tələb etmə, soyğunçuluq, adam oğurluğu, qanunsuz qumar fəaliyyətinin təşkili və dələduzluq işi üzrə müttəhimlərə hökm elan edib.

Lent.az xarici KİV-ə istinadən xəbər verir ki, ümumilikdə işdə dörd müttəhim olub. Müstəntiqlərin fikrincə onların hamısı kriminal aləmdə tanınmış “qanuni oğru” Teko Tbilisskinin (Teymuraz Faroyan) şərikləri olub. Məhkəmə həmin şəxsləri ümumilikdə 26 il müddətinə azadlıqdan məhrum edib.

Sözügedən insanlar Kazanlı iş adamı, TD AID MMC-nin baş direktoru Dmitri Matyunin pulunun bir hissəsini nağdlaşdırmağa söz veriblər. İş adamı pulu köçürüb, amma geri ala bilməyib. Sonra, o, borcunu almaq üçün “qanuni oğru”nun dostlarına - Ruslan Sundukov, Mixail Pasynkova və Kartaşova müraciət edib. Lakin güllələnməklə hədələnib. Hər şey onun idarə etdiyi avtomobilin silahlı ələ keçirilməsi ilə yekunlaşıb. Nəticədə iş adamı təhdid altında avtomobilinin açarlarını və sənədlərini hücumçulara verib.

İstintaqın müəyyən etdiyi digər epizoda görə, iş üzrə təqsirləndirilən şəxslər Eduard Yusupovla birlikdə gizli qumar oyunları ilə məşğul olublar. İddialara görə, Kazanın müxtəlif yerlərində onların kifayət qədər geniş oyun maşınları şəbəkəsi var idi.

Tatarıstan Respublikası Ali Məhkəməsinin mətbuat xidmətindən verilən məlumata görə, hər dörd təqsirləndirilən şəxs günahkar bilinib. Belə ki, Tacikistan Respublikası Ali Məhkəməsinin hökmü ilə Pasınkov və Sundukov 10 il müddətinə ciddi rejimli koloniyada, Matyunin 4 il ümumi rejimli koloniyada, Yusupov isə 2 il ümumi rejimli koloniyada qalmaqla cəzalandırılıb.