Sorğuda iştirak edən Fransa vətəndaşlarının mütləq əksəriyyəti (74%) parlament seçkilərindən sonra ölkəni idarəolunmaz hesab edib. Seçkidə solçular prezident Emmanuel Makron tərəfdarları və sağçılar üzərində kiçik fərqlə qalib gəlib. 

HİT.az xəbər verir ki, bu nəticələr "Elabe" sosial xidmətinin sorğusu ilə göstərilib.

Xidmət analitikləri qeyd ediblər ki, demək olar ki, eyni sayda respondent ümumilikdə seçkinin nəticələri barədə mənfi danışıb: 32% tam, 39% qismən narazı olub. Əksinə, respondentlərin 25%-i razı qalıb və respondentlərin yalnız 4%-i tam razı qalıb.

Solçuların qələbəsinə baxmayaraq, respondentlərin əksəriyyəti Makron tərəfdarı Qabriel Attalın baş nazir olaraq qalmalı olduğunu bildirib (38%). Bununla belə, demək olar ki, 35% fransalı respondent sağçı Cordan Bardellanın namizədliyini dəstəkləyib. Sollar arasında Rafael Qluksman (31%) liderlik edir, ondan sonra Fransua Ruffin (26%) və Olivye For (24%) gəlir.

İyun ayında Avropa Parlamenti seçkilərində sağların əhəmiyyətli dəstək qazanmasından sonra Makron erkən seçkilər elan edib. Birinci tur iyunun 30-da baş tutub. Milli Cəbhə Partiyası 33,15%, solçu Yeni Xalq Cəbhəsi 27,99%, Makron koalisiyası isə 20,04% səs toplayıb. 

Fransada növbədənkənar parlament seçkilərinin ikinci turunda solçu qüvvələrin Yeni Xalq Cəbhəsi koalisiyası qalib gəlib. Emmanuel Makronun "Birlikdə!" bloku ikinci yeri tutub, sağçı Milli Cəbhə isə üçüncü yerdə qərarlaşıb.

Heç bir partiya ölkə parlamentinin aşağı palatası olan Milli Assambleyada mütləq səs çoxluğu əldə edə bilməyib ki, bu da yeni hökumətin formalaşdırılmasını çətinləşdirəcək. İlkin nəticələrin açıqlanmasından sonra Fransanın iri şəhərlərində ənənəvi olaraq iğtişaşlar baş verib. 

Samir