ABŞ prezidentliyinə namizəd kiçik Robert Kennedi prezident Co Baydenin Moskvaya çata bilən Amerika silahları haqqında sözlərindən və şəxsən prezident Vladimir Putinə ünvanladığı ifadələrdən sonra Rusiyanın Kubadakı raketləri barədə danışıb. 

HİT.az bu barədə "RİA Novosti"yə istinadən xəbər verir.

"Prezident Baydenin çıxışı, Moskvaya çata biləcək silahlar haqqında təhlükəli söhbətləri silah alverçilərini əmin edir ki, onlar uzun müddət bizneslə məşğul olacaqlar. Rusiya Kubanı Vaşinqtona çata biləcək raketlərlə silahlandırsa, biz necə reaksiya verir?", deyə Kennedi qeyd edib.

Amerikalı siyasətçi onu da bildirib ki, Baydenin Ukrayna lideri Volodimir Zelenski ilə Rusiya prezidenti Vladimir Putini qarışdırması çox da vacib deyil, yekun nəticədə Bayden "müharibə satmaq" kimi yaxşı iş görür.

Bundan əvvəl Co Bayden demişdi ki, Ukrayna Silahlı Qüvvələrinə ABŞ istehsalı olan silahlarla Moskvaya və ya Rusiya ərazisindəki oxşar dərinliklərə zərbələr endirməsinə icazə verilməsi mənasızdır.

Samir