Belarus prezidenti Aleksandr Lukaşenko deyib ki, o, Litva və Polşanın problemləri diplomatiya yolu ilə həll etmək istəyində qarşılıqlı münasibət görmür. 

HİT.az bu barədə BELTA-ya istinadən xəbər verir.

“Unutmayın və bilin ki, biz döyüşmək istəmirik. Biz ancaq başqasının çəkməsi torpağımıza ayaq basanda vuruşacağıq. Biz diplomatik yolla, ilk növbədə qonşularımızla münasibətlərimizi tənzimləmək üçün hər şeyi edəcəyik”, deyə dövlət başçısı bildirib.

Onun sözlərinə görə, Belarus tərəfi Litva və Polşa ilə münasibətləri tənzimləməyi təklif edir, lakin hazırda bu ölkələr tərəfindən qarşılıqlı münasibət görmür.

"Biz şimal-qərbdə və qərbdə gözlərimizi açıq saxlamalıyıq və tozumuzu quru tutmalıyıq", deyə prezident qeyd edib.

İyulun 15-də Belarusun xarici işlər naziri Maksim Rıjenkov bildirib ki, Minsk sərhəddəki problemli məsələlərin həlli üçün Polşa ilə dialoqa hazırdır. Onun sözlərinə görə, Varşava Minski Belarus ərazisində müəyyən düşərgələr yaratmaqda günahlandırır və guya onlar qaçqınları güc tətbiq edərək Avropa İttifaqı (Aİ) ölkələri ilə sərhədi qanunsuz keçmək üçün hazırlayırlar.

Minsk sərhəd bölgəsində Varşavanın istənilən maraqlı nöqtəsinə çıxışı təmin etməyə və bunun sayəsində bu cür saxtakarlığı təkzib etməyə hazırdır. Lakin diplomatın sözlərinə görə, Polşa bu təşəbbüsdən imtina edib.

Samir