Politoloq Vladimir Kornilov “Vzqlyad” qəzetinə müsahibəsində Macarıstanın baş naziri Viktor Orbanın Avropa Şurasının rəhbəri Şarl Mişelə ünvanladığı məktubunda siyasətçinin Rusiya ilə diplomatik münasibətlərin bərpasına çağırışını dəyərləndirib. 

HİT.az xəbər verir ki, ekspertin fikrincə, Macarıstan Nazirlər Kabinetinin rəhbərinin səyləri gələcəyə, daha doğrusu, ABŞ-da Donald Trampın qalib gələ biləcəyi prezident seçkilərinə yönəlib.

Politoloq Rusiya və Çinin Orbana dəstək ifadə etdiyini də xatırladıb. Eyni zamanda, Moskva Ukraynadakı münaqişənin vasitəçilər vasitəsilə dayandırılmasını çətin hesab edir.

“Başqa məsələ odur ki, qarşıdurmanın həlli heç nə Orbandan, Trampdan və ya başqalarından asılı olmayacaq. Heç bir illüziya yaşamağa ehtiyac yoxdur - rus əsgəri bu torpağa sülh gətirir", deyə Kornilov vurğulayıb.

Bir gün əvvəl məlum olub ki, Orban Rusiya, Çin və ABŞ-a missiyasının ardınca Avropa İttifaqı ölkələrinin liderlərinə Ukrayna böhranının həlli ilə bağlı təkliflər göndərib. Qeyd olunub ki, Budapeşt Ukraynadakı mövcud vəziyyəti real qiymətləndirir. Plan vəziyyəti sabitləşdirmək üçün real məqsədlərə əsaslanır.

İyulun 5-də Orban Moskvaya səfər edib və orada Rusiya prezidenti Vladimir Putinlə görüşüb. Siyasətçinin səfəri Kiyevə səfərindən sonra baş tutub və səfər zamanı Ukrayna lideri Volodimir Zelenski ilə danışıqlar aparıb. Daha sonra Macarıstanın baş naziri Çin və ABŞ-a səfər edib.

Samir