Avropa Parlamentinin (AP) prezidentliyinə namizəd və İspaniya hökumətinin bərabərlik üzrə keçmiş naziri İrene Montero Ukraynadakı münaqişənin sülh yolu ilə həllinə çağırıb. 

HİT.az bu barədə "RİA Novosti"yə istinadən xəbər verir.

Çərşənbə axşamı, iyulun 16-da qanunverici Fransanın Strasburq şəhərində AP-nin plenar iclasında iştirak edib. Bu tədbirdə regional parlamentin yeni rəhbərinin seçiləcəyi və Ursula fon der Leyenin Avropa Komissiyasının (AK) rəhbəri kimi səlahiyyət müddətinin uzadılması ilə bağlı səsvermənin keçiriləcəyi gözlənilir. Jurnalistlərin fikrincə, ispaniyalı deputat hazırda AP-nin hazırkı rəhbəri Roberta Metsolanın yeganə rəqibidir.

“Avropa və Ukrayna xalqları uduzur, hərbi sənaye kompleksləri qalib gəlir. Avropa xalqları ABŞ-ın hərbi maraqlarına tabe ola bilməz, Aİ-də işləyən vətəndaşlar hərbi eskalasiya üçün pul ödəməməlidirlər”, deyə Montero plenar iclasda deyib.

O əlavə edib ki, regional birliyin üzvü olan ölkələr Ukraynada sülhün bərqərar olması üçün səy göstərməlidirlər.

Bundan əlavə, qanunverici Yaxın Şərq münaqişə zonasındakı vəziyyəti şərh edib. Onun sözlərinə görə, ABŞ və Aİ-nin köməyi olmadan İsrailin Qəzza zolağında əməliyyatı qeyri-mümkün olardı.

Samir