ABŞ-ın keçmiş prezidenti Barak Obama vitse-prezident Kamala Harrisi Demokratlar Partiyasından prezidentliyə namizəd kimi dəstəkləməyi planlaşdırır. 

HİT.az xəbər verir ki, bu barədə NBC News anonim mənbələrə istinadən yazıb.

Nəşr bildirib ki, Obama artıq Harrisi özəl olaraq dəstəkləyib, lakin indi bunu açıq şəkildə etməyi planlaşdırır.

"O, müntəzəm olaraq onunla danışır və onun yaxşı bir başlanğıc olduğunu düşünür", deyə mənbə bildirib.

Jurnalistlərin sözlərinə görə, hər iki siyasətçinin köməkçiləri onların seçki kampaniyası zamanı bir yerdə görünmə ehtimalını müzakirə ediblər, lakin dəqiq tarix heç vaxt seçilməyib.

Bundan əvvəl "New York Post" hazırkı prezident Co Baydenə yaxın mənbəyə istinadən yazmışdı ki, Barak Obama vitse-prezident Kamala Harrisin prezident seçkilərində demokrat namizəd kimi mümkün irəli sürülməsini dəstəkləməyib. Çünki onun respublikaçı Donald Trampı məğlub etmək qabiliyyətinə şübhə edir. 

"Obama çox üzüldü, çünki onun qalib gələ bilməyəcəyini başa düşür... O, Kamalanı bacarıqsız hesab edir", deyə qəzet mənbədən sitat gətirib.

Obamanın fikrincə, Harris üzləşdiyi çətinliklərin öhdəsindən gələ bilməyəcək, o, yaxşı debatçı deyil və sonda İsrail, Fələstin və ya Ukrayna kimi məsələlərdə səhv bəyanatlar verə bilər.

Qeyd edək ki, Bayden iyulun 21-də seçki yarışından çıxdığını elan edib və Harrisin namizədliyini dəstəkləyib. Obama daha sonra Demokratlar Partiyası liderlərinin "görkəmli namizəd"lə nəticələnəcək bir prosesi təşkil edə biləcəklərinə əminliyini ifadə edib. O, Harrisi dəstəkləməkdən imtina edib.

Tramp da öz növbəsində dəfələrlə bildirib ki, onun üçün hazırkı vitse-prezidenti məğlub etmək Baydendən daha asan olacaq. Bu yaxınlarda verdiyi müsahibədə o, Harrisi "pis və axmaq" adlandırıb.

Samir