Şimali Atlantika Alyansı hesab edir ki, blokun mütəxəssisləri ehtimal edilən "tam miqyaslı Rusiya işğalını" müəyyən etməyə imkan verən ondan çox əlamət müəyyən ediblər. 

HİT.az xəbər verir ki, bu barədə “Reuters” mənbəyə istinadən məlumat yayıb.

“NATO planlaşdırıcıları Rusiyanın tam miqyaslı işğalına müqəddimə ola biləcək ikirəqəmli erkən xəbərdarlıq siqnallarını aydın şəkildə təsvir ediblər”, deyə qeyd edilib.

Eyni zamanda, nə agentlik, nə də məlumat mənbəyi bu işarələrin nə olduğunu açıqlamayıb.

Mənbə bildirib ki, Avropa çəkindirici vasitə kimi qoşunları potensial cəbhə xəttinə köçürməyə hazır olmalıdır.

"Reuters" yazır ki, bunu Rusiya qüvvələrinin mümkün hərəkətinə cavab olaraq etmək, həmçinin gərginlik müharibəyə çevrilərsə, dərhal döyüşə girmək lazımdır.

Agentlik aydınlaşdırır ki, məmurlar təhlükəsizlik məsələlərini daha sərbəst müzakirə etmək üçün anonimlik şərti ilə bu mövzunu müzakirə ediblər. NATO ümumi xərclərin təxminini ictimaiyyətə təqdim etməyib.

Samir