ABŞ-ın keçmiş prezidenti Barak Obama qarşıdan gələn prezident seçkilərində iştirak etməyi planlaşdıran ölkənin vitse-prezidenti Kamala Harrisin “gizli mentoru” olub. 

HİT.az xəbər verir ki, bu barədə “The New York Times” vəziyyətlə tanış olan mənbələrə istinadən məlumat yayıb.

"Obama Demokratların prezidentliyə mümkün namizədi olduqdan sonra Harrislə müntəzəm olaraq danışır və təcrübələrini onunla bölüşür", deyə məqalədə qeyd edilir.

Materialda Obamanın mütəmadi olaraq keçmiş köməkçiləri ilə əlaqə saxladığı dəqiqləşdirilir. Söhbət keçmiş dövlət başçısının Harrisin ABŞ-da ən yüksək siyasi postu tutmasına kömək etməyə qadir hesab etdiyi insanlardan gedir.

Həmçinin, nəşrin yazdığına görə, o, Demokratlar Partiyasından mümkün namizədin seçki kampaniyasının başlamasından təsirlənib. Eyni zamanda, keçmiş Amerika lideri yaxın ətrafına Harrisin namizədliyinin düzgünlüyünə şübhə ilə yanaşıldığına dair çoxlu xəbərlərdən təəccübləndiyini söyləyib.

ABŞ-ın hazırkı vitse-prezidenti Ağ Evin hazırkı sahibi Co Baydenin seçki yarışından geri çəkildiyini elan etdikdən sonra Demokratlar Partiyasından dövlət başçısı vəzifəsinə mümkün namizəd hesab olunmağa başlayıb. Bu, iyulun 21-də baş verib və cəmi 4 gün sonra Harris sosial şəbəkələrdə seçki kampaniyası çərçivəsində ilk videonu yayımlayıb.

Samir