Almaniyada yerləşdiriləməsi planlaşdırılan uzaqmənzilli silahlarla bağlı Rusiyanın Vaşinqton və Berlinə hədələri kursu dəyişməyəcək. 

HİT.az xəbər verir ki, bu barədə Almaniyanın NTV nəşri federal hökumətin bəyanatına istinadən yazır.

Almaniya Federal Xarici İşlər Nazirliyinin sözçüsü jurnalistlərə bildirib ki, onlar bu cür bəyanatlarla qorxudulmalarına imkan verməyəcəklər.

O vurğulayıb ki, Rusiya illərdir silahlanır və Avropada Ukraynaya qarşı işğalçı müharibə aparır, ona görə də Almaniya buna cavab verməlidir.

Ötən həftə sonu Rusiya prezidenti Vladimir Putin ABŞ-ın Almaniya ərazisində öz raketlərini yerləşdirmək planlarını həyata keçirəcəyi təqdirdə orta və yaxın mənzilli raketləri yerləşdirməyə söz verib. Pentaqon 2026-cı il üçün bu niyyətini daha əvvəl açıqlamışdı.

Putinin sözlərinə görə, bu planlar reallaşarsa, Rusiya Federasiyasının dövlət və hərbi idarəsinin mühüm obyektləri Amerika raketlərinin əli çatacaq. O, xüsusən də Amerika raketlərinin uçuş müddətinin 10 dəqiqəyə yaxın olacağına işarə edib.

1980-ci illərin sonunda SSRİ və ABŞ ən təhlükəli silahlar kimi orta və yaxın mənzilli raketlərdən tamamilə imtina etmək barədə razılığa gəliblər. Lakin 2019-cu ildə bu müqaviləyə rəsmi xitam verilib.

Samir