Arktikanın qütb buzları altında yerləşən ehtiyatlar uğrunda şimal ölkələri arasında şiddətli rəqabət yaxın gələcəkdə başlayacaq. 

HİT.az xəbər verir ki, bu barədə Pentaqonun yeni Arktika strategiyasında deyilir.

Sənəddə qeyd edilir ki, Rusiya və Çin Arktikanın inkişafı üçün birləşib və bu, ABŞ-ın bu regionla bağlı planlarına mane olur. Bundan əlavə, müəlliflər dolayısı ilə etiraf edirlər ki, Moskva öz enerji resurslarını şərq ölkələrinə satmağa başlayandan sonra Qərbin Rusiya Federasiyasına tətbiq etdiyi sanksiyalar faydasız olub. ABŞ-dakı ekspertlər etiraf edirlər ki, Rusiyanın Şimalı kəşf etməsi sürətlənib.

Arktika ambisiyaları olan ölkələrin - İsveç və Finlandiyanın bu yaxınlarda Şimali Atlantika Alyansına qoşulmasına baxmayaraq, onların gəmiqayırma imkanları Rusiyanın nüvə buzqıran gəmiləri ilə rəqabət aparacaq buzqıran donanma yaratmaq üçün kifayət etməyəcək. Həmçinin, Rusiyadan fərqli olaraq, NATO ölkələrinin Arktikada hərbi infrastrukturu azdır.

İyul ayında Avropadakı Müttəfiq Qüvvələrin keçmiş Ali Baş Komandanı Ceyms Stavridis demişdi ki, NATO ölkələri buzqıran donanmalarını lazımi səviyyədə inkişaf etdirə bilmir və Rusiyadan gələn təhdidlərə qarşı çıxmaq üçün Arktika regionuna hərbi gəmilər yerləşdirir.

Samir