ABŞ-ın hazırkı lazer sistemləri hipersəs raketlərinin qarşısını almaq üçün istifadə edilə bilməz. 

HİT.az xəbər verir ki, bu barədə "The National Interest" (NI) məlumat yayıb.

"Lazerlərin əsas məhdudlaşdırıcı amili ən azı min kilovata çatmalı olan gücüdür", deyə nəşr qeyd edib.

Nəşrin məlumatına görə, bu, müasir yerləşdirilmiş taktiki lazer sisteminin gücündən üç dəfə artıqdır.

Bundan əlavə, lazer sistemlərinin istifadəsində başqa bir problem planetin atmosferində olan müxtəlif maddələr ola bilər. Bunlara su buxarı, qum və tüstü kimi maddələr daxildir.

NI onların lazer şüalarına səpələyici təsir göstərdiyinə inanır. Buna görə də müasir lazer sistemləri ABŞ-ın milli təhlükəsizliyinə təhlükə yaradan hipersəs raketlərinə qarşı etibarlılığı ilə hələ öyünə bilməz.

Öz növbəsində Britaniya Ordusu ilk dəfə "Wolfhound" zirehli maşınına quraşdırılmış lazer silahlarını sınaqdan keçirib. Sınaq zamanı dronlar bu silahlardan gələn işıq şüalarının təsiri altında alışıblar.

Samir