Odyssey Marine Exploration (OME) şirkətinin amerikalı dəniz arxeoloqları Mərakeş sahillərində kiçik yelkənli gəmi aşkar ediblər. Alimlərin fikrincə, gəmi 200 ildən çox Aralıq dənizində dənizçiləri qorxudan Barbar dəniz quldurlarına məxsus olub. 

HİT.az xəbər verir ki, araşdırmanın nəticələri "Wreckwatch" elmi jurnalında dərc olunub.

Kəşf edənlərin fikrincə, yelkənli gəmi yaxşı silahlanıb, lakin onun anbarında çoxlu qazan və tavalar tapılıb. Quldurlar yəqin ki, özlərini dinc ticarətçi kimi göstərmək üçün qabları gəmiyə yükləyiblər.

Tədqiqatçılar kəşf edilən gəmiyə “Korsar” adını veriblər. Onun uzunluğu 14 metrdir. "Korsar" iki yelkənlə təchiz edilib və avarlarla da hərəkət edə bilirmiş. Gəmi Cəbəllütariq boğazının dibində, təxminən 830 metr dərinlikdə yerləşir.

Dağıntıların uzaqdan idarə olunan bir vasitə ilə araşdırılması göstərib ki, "Korsar" dörd böyük top, 10 kiçik çaplı silah və 20 quldurdan ibarət ekipajı silahlandıra bilən çoxlu muşket daşıyıb.

Bundan əlavə, arxeoloqlar gəminin batdığı yerdə başqa qeyri-adi artefaktlar - Almaniyadan gətirilmiş şüşə butulkalar kolleksiyası, eləcə də Osmanlıdan çay fincanları aşkar ediblər. Yəqin ki, bütün bu əşyalar dəniz quldurlarının qənimətidir.

Arxeoloqlar qeyd edib ki, "Korsar" tartan kimi tanınan gəmi növüdür. Barbar dəniz basqınçıları 17-18-ci əsrlərdə belə gəmilərdən istifadə edirdilər, çünki onlar qismən balıqçı qayıqları ilə asanlıqla qarışdırılır və diqqəti cəlb etmirdilər.

Barbarlar XVII əsrdən 19-cu əsrə qədər Avropanın Aralıq dənizi və Atlantik sahillərində quldurluq ediblər. Piratlar gəmiləri qarət edib, sahilyanı yaşayış məntəqələrinə basqın ediblər. Tutulan sakinlər Şimali afrikalı qul tacirlərinə satılıb və ya fidyə qarşılığında qohumlarına qaytarılıb.

Barbar korsarları 19-cu əsrin əvvəllərində, quldurlar İsveç, ABŞ və Norman Siciliya krallığının birləşmiş qüvvələri tərəfindən məğlub edildikdən sonra fəaliyyətlərini dayandırıblar.

Samir