ABŞ, Misir və Qətər liderləri Yaxın Şərqdə münaqişənin gərginləşməsi ilə bağlı artan qorxular fonunda İsrail və HƏMAS-ı təcili danışıqlar üçün görüşməyə çağırıblar. 

HİT.az "Reuters"ə istinadən xəbər verir ki, üç ölkənin birgə bəyanatında Qəzzada atəşkəs və girovların azad edilməsi ilə bağlı razılaşmanın yekunlaşdırılması planlaşdırılan danışıqların 15 avqustda Doha və ya Qahirədə keçirilə biləcəyi bildirilir. 

"Masa üzərində çərçivə razılaşması var, onun həyata keçirilməsinin təfərrüatlarını razılaşdırmaq qalır. Biz artıq vaxt itirə bilmərik və tərəflərin heç birinə əlavə gecikmələrə görə haqq qazandıra bilmərik. Girovları azad etmək, atəşkəsə başlamaq vaxtıdır", deyə məlumatda bildirilir.

İsrailin baş naziri Benyamin Netanyahu artıq İsrail danışıqlarçılarının iclasda iştirak edəcəyini açıqlayıb. Eyni zamanda HƏMAS bu bəyanatı şərh etməyib.

Eyni zamanda, Reuters-in məlumatına görə, ABŞ-ın yüksək rütbəli rəsmisi bildirib ki, HƏMAS və İsrail arasında ciddi problemləri nəzərə alaraq, sazişin gələn həftəyə qədər imzalanacağına ümid yoxdur. Onun sözlərinə görə, danışıqlar masasının hər iki tərəfində hərəkət etmək lazımdır.

ABŞ rəsmisi bildirib ki, bu bəyanat İrana təsir etmək məqsədi ilə verilməyib, lakin hər hansı bir gərginliyin İsrail və HƏMAS arasında razılaşmaya olan ümidləri təhlükə altına atacaq.

İran İsraili HƏMAS siyasi bürosunun rəhbəri İsmayıl Haniyəni öldürməkdə ittiham edir. Bunun qisasını almaq təhdidləri üzündən ölkə və onun həmsöhbətləri mümkün atəşə hazırlaşır.

Bir gün əvvəl Politico İranın İsrailə hücum planlarına yenidən baxa biləcəyini yazmışdı. Buna səbəb Yaxın Şərqdə yeni münaqişənin qarşısını almağa çalışan ABŞ administrasiyasıdır.

Eyni zamanda, Ukraynanın İsraildəki fövqəladə və səlahiyyətli səfiri Yevgeni Korniyçuk qeyd edib ki, Yaxın Şərqdəki müharibə Ukraynanın beynəlxalq aləmdə informasiya işinə əhəmiyyətli dərəcədə mane olur.

Samir