Serbiyanın baş nazirinin müavini Aleksandr Vulin bildirib ki, Qərb Serbiya prezidenti Aleksandr Vuçiç üçün ölkənin birinci prezidenti Slobodan Miloşeviçlə eyni aqibətə hazırlayır. 

HİT.az bu barədə "RİA Novosti"yə istinadən xəbər verir.

"Bildiyimiz kimi, devrilmə təkcə hakimiyyətin dəyişməsi deyil, həm də hakimiyyət sahibinin fiziki olaraq ləğvi deməkdir", baş nazirin müavini bildirib.

Slobodan Miloşeviç 2000-ci ildə inqilab nəticəsində devrilib. 2001-ci ildə o, vəzifəsindən sui-istifadə və mütəşəkkil cinayətkarlıqla əlaqəyə görə həbs edilib, sonra gizli şəkildə Keçmiş Yuqoslaviya üzrə Beynəlxalq Cinayət Tribunalına (ICTY) köçürülüb. Səhhətinin pisləşməsi ilə əlaqədar Slobodan Miloşeviçin məhkəməsi 22 dəfə yarımçıq kəsilib. 2006-cı ildə siyasətçi hökm oxunmadan kamerada vəfat edib. ICTY siyasətçinin özünü müalicə etdiyini və kardioloqun tələblərini yerinə yetirməkdən imtina etdiyini bildirib.

Bundan əvvəl Vulin ölkədə litium hasilatı planlarına qarşı etirazların ekoloji mənşəyə malik olmadığını, lakin hazırkı hökuməti devirməyə yönəldiyini söylədi. Serbiyada mineralın çıxarılmasına qarşı kütləvi etirazlar davam edir. Avqustun 11-nə keçən gecə nümayişçilər Budapeşt-Saloniki beynəlxalq avtomobil yolundakı körpünü, həmçinin mərkəzi dəmir yolu vağzalı və Yeni Belqrad stansiyasını bağlayıblar. Daxili İşlər Nazirliyinin məlumatına görə, aksiyalarda 27 minə yaxın insan iştirak edib, onlardan 14-ü cinayət, 3-ü inzibati xətalara görə, 2-si isə mühüm dövlət obyektləri yaxınlığında keçirilən aksiyalarda iştirak etdiklərinə görə saxlanılıb.

Samir