Polşanın baş naziri Donald Tusk 2025-ci il prezident seçkilərində prezidentliyə namizəd olmaq niyyətində olmadığını açıqlayıb.

HİT.az xəbər verir ki, bu barədə RAR məlumat yayıb.

Tusk qeyd edib ki, Milad bayramına qədər “Vətəndaş Koalisiyası”ndan və ya bütün “15 Oktyabr Koalisiyası”ndan birgə namizədlik elan edilməlidir. Eyni zamanda, onun özü də prezident postu uğrunda mübarizə aparmağı planlaşdırmır.

“Mən namizədliyimi irəli sürmək fikrində deyiləm. Qarşıdakı illər həqiqətən çox ciddi sınaqdır. Olduğum yerdə özümü bacarıqlı və yaxşı hiss edirəm”, deyə Polşanın baş naziri bildirib.

O, Varşava meri Rafal Tşaskovskini ən şanslı namizəd hesab edir.

“Təsadüfi deyil ki, Rafal Tşaskovski bütün sorğularda ən məqbul namizəd kimi görünür. Və bu, ən çox ehtimal olunan ssenaridir”, deyə Tusk bildirib.

Eyni zamanda, Polşa radiosu qeyd edir ki, müxalif Hüquq və Ədalət Partiyası (PiS) da namizəd axtarır. Bu kontekstdə keçmiş baş nazir Mateuş Moravetski, deputat Zbiqnev Boqutskii və Avropa Parlamentinin deputatı Tobias Boçenskinin adı ön plana keçir. Seymin sədri Şimon Holovnya “Üçüncü yol” siyahısından namizəd ola bilər. Sol və Konfederasiya prezidentliyə namizədlə bağlı qərar verməyib.

Aprelin 7-də Polşada yerli seçkilərin birinci turunda Yaroslav Kaçinskinin müxalifət partiyası olan "Hüququ və Ədalət" voyevodalıq rejmlərinə 34,2 faiz səslə qalib gəlib. Hakim “Vətəndaşlar Koalisiyası” ikinci olub - 30,5%. Polşanın bir çox böyük şəhərlərində merlər artıq birinci turda seçilib. Xüsusilə, Varşava meri Rafal Tşaskovski və Qdansk meri Oleksandra Dulkeviç ilk turda böyük fərqlə qalib gəliblər.

Aprelin 21-də Polşada bələdiyyə başçılarının, burqomasterlərin və merlərin seçildiyi yerli seçkilərin ikinci turunda ən böyük şəhərlərdə Donald Tuskun hakim “Vətəndaş Koalisiyası”nın namizədləri qalib gəlib.

Samir