ABŞ Konqresinin Nümayəndələr Palatasının Kəşfiyyat Komitəsinin rəhbəri Mayk Turner bildirib ki, İran 2024-cü ilin sonuna qədər nüvə silahına malik olduğunu elan edə bilər. 

HİT.az xəbər verir ki, bu barədə "CBS News" məlumat yayıb.

"İranın bu ilin sonuna qədər özünü nüvə silahı dövləti elan edə bilməsi ehtimalı var", deyə konqresmen bildirib.

O əlavə edib ki, Vaşinqtonda mövcud olan məlumatlar bunu göstərir.

Qanunvericinin fikrincə, Tehranda nüvə silahının yaranması Amerika rəhbərliyi ilə münaqişənin ciddi şəkildə artmasına səbəb ola bilər. Turner ABŞ-ın uzun illərdir ki, belə bir inkişafdan qaçmağa çalışdığını vurğulayıb.

Avqustun 18-də “Fox News” kanalı ekspertlərə istinadla da bildirib ki, İran tezliklə nüvə silahına malik olduğunu rəsmən bəyan edəcək. "The Heritage Foundation"ın xarici və müdafiə siyasəti üzrə araşdırmalar üzrə vitse-prezidenti Ceyms Karafanonun dediyi kimi, o, Tehranın yerində olsaydı, indi belə bir açıqlama verərdi. Buna səbəb ABŞ-ın hazırkı prezidenti Co Baydenin heç bir cavab addımı ata bilməyəcəyidir.

Samir