Bolqarıstan prezidenti Rumen Radev bazar ertəsi yeni müvəqqəti hökuməti təsdiqləməkdən imtina edib.

Qaynarinfo xəbər verir ki, bu barədə BTA məlumat yayıb.

Radev baş nazir Xoritsa Qrnçarov-Kajarev tərəfindən təklif edilən yeni müvəqqəti hökumətin təyin edilməsi haqqında fərmanı Kalın Stoyanovun  Daxili İşlər Nazirliyinin rəhbəri vəzifəsinə namizədliyi ilə əlaqədar imzalamaqdan imtina edib.

Prezident baş nazirə daxili işlər naziri vəzifəsinə başqa namizəd təklif etmək üçün saat 15:00-a qədər vaxt verib, lakin o, bundan imtina edib.

Bundan sonra Radev bildirib ki, müvəqqəti hökumət çərşənbə axşamı günü and içməyəcək və növbəti növbədənkənar parlament seçkiləri planlaşdırıldığı kimi oktyabrın 20-də baş tutmayacaq.

Müvəqqəti hökumətin vəzifələrini bundan sonra da Dimitar Qlavçev hökuməti yerinə yetirəcək.

"Sofia Globe" nəşri qeyd edir ki, Radevin fikrincə, Stoyanov daxili işlər naziri kimi ölkədə siyasi vəziyyətin sabitləşməsinə və ədalətli seçkilərin keçirilməsinə təminat verə bilməyəcək.

Samir