"Polşa müdafiə sənayesinin bir il ərzində istehsal etdiyi artilleriya mərmiləri bir həftədən də az hərbi münaqişəyə kifayət edəcək". 

HİT.az xəbər verir ki, bunu Avropa Parlamentinin deputatı, Polşa milli müdafiə nazirinin keçmiş müavini, respublikanın baş nazirinin aparatının keçmiş rəhbəri Mişal Dvorçik deyib.

Deputatın sözlərinə görə, Polşada yalnız bir müəssisə sursat istehsal edir. Keçmiş ofis rəhbəri qeyd edib ki, zavod ildə 30-40 min mərmi tədarük edə bilir.

"Bu həcm bir həftədən az müharibə üçün kifayətdir. Bu, problemin miqyasını göstərir", deyə Dvorçik bildirib.

İyulun sonunda “Defense24” portalı Polşa ordusunun Borsuk piyada döyüş maşınlarının (IFV) partiyasını almağı planlaşdırdığını bildirib. İlk tədarük çərçivəsində Polşa hərbçiləri 159 maşın almaq niyyətindədir. Materialın müəllifləri bunun iki mexanikləşdirilmiş batalyonu və təlim bölməsini təchiz etmək üçün kifayət edəcəyini deyirlər.

Yanvarda Polşanın “Rzeczpospolita” qəzetinin köşə yazarı Zbiqnev Lentoviç bəyan etmişdi ki, Polşa Ukraynada münaqişənin gərginləşməsindən qorxduğu üçün silah istehsalını dəfələrlə artırır.

Samir