Çexiya prezidenti Petr Pavel Rusiya və Ukraynanı münaqişənin həlli üçün danışıqlara başlamaq üçün razı salmağın vacibliyini bəyan edib. 

HİT.az bu barədə "Novinki"yə istinadən xəbər verir.

Pavel bildirib ki, Moskva və Kiyevi siyasi məqsədlərin hərbi yolla əldə edilə bilməyəcəyinə inandırmaq üçün səylər göstərilməlidir. Çexiya prezidenti hesab edir ki, bu, bu il, gələn il və ya bir neçə ildən sonra baş verə bilə. 

Onun fikrincə, qaynar fazadan gələn qarşıdurma illər boyu davam edəcək dondurulmuş münaqişəyə çevrilə bilər.

"Mən daha çox inanıram ki, bir neçə ildən sonra hər iki tərəf münaqişəni davam etdirməyin mümkün olmadığını başa düşəcək və danışıqlar aparılacaq. ABŞ və ya Çin buna mühüm töhfə verə bilər", deyə Pavel bildirib.

Bundan əvvəl Peter Pavel Ukraynanın itirilmiş əraziləri qaytara bilməsə belə, NATO-ya üzv ola biləcəyini etiraf edib. Respublika başçısının sözlərinə görə, itirilmiş torpaqlar üzərində nəzarəti bərpa etmək Kiyev üçün Şimali Atlantika Alyansına üzvlük yolunda zəruri şərt olmaya bilər.

Samir