Dünyanın ən böyük konsaltinq şirkətlərindən biri olan "PwC China"nın törəmə şirkəti müflis olan "Evergrande"nin auditi ilə əlaqədar sentyabr ayından Çində fəaliyyətə altı aylıq qadağa qoyulacağını gözləyir.

HİT.az xəbər verir ki, bu barədə "Financial Times" yazıb.

Çinin qiymətli kağızlar tənzimləyicisi "PwC China"nın müsbət nəticəsinə baxmayaraq, "Evergrande"nin 2021-ci ildə defoltdan iki il əvvəl gəlirini təxminən 80 milyard dollar artırdığını aşkar edib.

Böyük bir cərimə ilə müşayiət olunan qadağa, Çin tənzimləyicilərinin "Böyük Dördlük" şirkətinə qarşı atdığı ən sərt addım olacaq. Bu, Pekinin maliyyə qalmaqallarında, xüsusən də problemli daşınmaz əmlak sektorunda auditorların roluna nəzarəti gücləndirməsinin bir hissəsidir.

Çində qeydiyyatdan keçmiş müştərilərin çoxu üç il ərzində səlahiyyətli orqanlar tərəfindən sanksiyaya məruz qalmış auditorla işləyə bilməz. Nəşrin aydınlaşdırdığına görə, "PwC China" bu il materik Çindən olan müştərilərin auditindən əldə etdiyi gəlirin ən azı üçdə ikisini artıq itirib.

Samir